Памар селаште ӱчашымашан йодышым кораҥдыме
Памар селаште ӱчашымашан йодышым кораҥдыме: кызытсе жаплан келшыше у, лӱдыкшыдымӧ йоча площадкым чоҥымо. Марий Элым вуйлатыше Александр Евстифеев паша дене Волжский районысо Памар селаш миен. Тушто тений у йоча площадкым чоҥымо. Эше 2017-ше ийыштак ер воктене верысе калык арт-объект- влак дене йоча площадкым ыштен. Тушко еш-влак йоча- шамыч дене коштыныт, но лӱдыкшым рашемдымеке, Волжск оласе суд оборудований- влакым кораҥдаш пунчалын. Верысе калык полышым Республикым вуйлатыше деч йодын. Александр Евстифеев тушко миен, ончылъеҥ- влак дене вашлийын. Йоча- влак модмо вер деч посна кодшаш огытыл манын. Но лӱдыкшыжым кораҥден, мо лийшыжым арален коден, у площадкым ышташ кӱштен. Республикысе бюджет гыч кок миллион теҥге оксам ойырымо. Тӱҥ пашажым пел ий наре жапыште ыштыме. Тиде пагытыште сӧрал йоча городокым ыштыме, йоча- влак тудым вигак йӧратен шынденыт. Калыкын ыштыме южо объектшым арален кодымо, у лӱҥгалтышым, курыкым, качалкым, тренажёрым, спорт да модмо комплекс- влакым вераҥдыме. Тыге савар, теҥгыл, урно-влак шочыныт. Шушаш ийын икымше июль марте корно да тротуар- влакын шартышыштым уэмдышаш улыт. Республикым вуйлатыше палемден: шындыме задачым шуктымо, калыкын тыланымашыжымат шотыш налме.
