Тулык йоча- влак пачеран лийыт

                     Тений идалык мучаш марте тулык йоча- влаклан 300 утла пачерым налме лиеш. Правительстве пӧртыштӧ Республикым вуйлатыше Александр Евстифеев тулык йоча- влаклан да ача-аван полышыж деч посна кодшо икшыве- влаклан илыме верым ситарыме йодыш дене совещанийым эртарен. Туныктыш министрын алмаштышыже Александр Иванов увертарен: тулык йоча- влакын иктешлыме спискыштышт республике мучко тӱжемат 697 еҥ шотлалтеш. Тений илыме верым налаш 340 тӱжем теҥгем ойырымо. Тушечын 166 миллионжо федерал казна гыч. Тиде шийвундо дене 308 тулык йочалан пачерым налаш палемдыме. Тиде тылзылан 234 илемым налме, 66-шым йоча- влаклан пуымо. Александр Евстифеев палемден: тулык йоча- влакын илыме верлан праваштым шыҥдарымаш кугыжанышын социал политикыжын ик тӱҥ корныжо. Пытартыш ийлаште нунылан пачерым утларак да утларак пуалтеш. Пачерым пуымо годым кӱлешан инфраструктурын улмыжымат шотыш налаш кӱлеш.

Прошлые выпуски