Пашадыме- влак шагалемыт
Ик арня жапыште Российысе пашадыме- влакын чотышт 0 тичмашат 8 луаш процентлан але 724 тӱжем еҥ марте шагалемын. Паша деч посна кодшо-влакын чотышт иземмаш 75 регионышто да Марий Элыштат палдырнен. Палынак иземмаш Сахалин ден Курск областьыште, Йӱдвел Осетий, Мордовий, Тыва, Алтай, Кабардино-Балкарий республикылаште, Ямало-Ненец ден Ненец автоном округлаште палдырнен. Тидын годымак пашадыме- влак 7 регионышто ешаралтыныт. Тиде Чукотка автоном округ, Карачаево-Черкес республике, Калининград, Тамбов, Липецк, Курган областьла да Камчатке крайыште. Кум регионышто пашадымылык чот вашталтын огыл.
