Параньгаште - у фонтан

                Параньга посёлкышто ныл метр кумдыкан волгалтарыман фонтан шочын. Тыге Кугу сарыште вуйым пыштыше- влаклан мемориал воктене каныме верым тӱзландарен пытарыме. Пашам «Йӧнан оласе кумдыкым ыштымаш» калыкле проект кышкарыште шуктымо. Объектын тичмаш акше кок миллионат 600 тӱжем теҥгем эртен. Каныме верыште калыкым чумырышо верыш фонтан савырнен. Пычкемышалтмеке тудо сылнын волгалтеш. Тротуареш плиткам оптымо, теҥгыл ден урным вераҥдыме. Йолгорно- влакым 11 лампе волгалтара. Лӱдыкшыдымылыкым ышташ манын, видеоэскерыме системым чӱктымӧ. Клумбылашке пеледышым, кушкыл- влакым шындыме.
                 Чонымаш министерствын фотожо.

Прошлые выпуски