Йошкар-Оласе самырык- влак «Знаний» дене каналтен коштмаш» акцийыш ушненыт
Йошкар-Оласе самырык- влак «Знаний» дене каналтен коштмаш» акцийыш ушненыт. Тенгече Правительстве Председательын икымше алмаштышыже Евгений Кузьмин Марий Элым вуйлатышын кӱштымыжӧ почеш студент да школьник- влаклан ола мучко экскурсийым эртарен. Мероприятий «Знаний» дене каналтен коштмаш» акций кышкарыште лийын. Тудым Российысе «Знаний» ушем тӱҥалын да федерал кӱкшытан Знание.Первые. шинчымашым шарыме марафонлан пӧлеклалтын. Евгений Кузьмин Йошкар-Олам негызлыме да тудын вияҥмыже, олаште шочшо лӱмлӧ еҥ- влак, нунын сеҥымашышт нерген каласкален. Самырык тукымлан тиде оҥай лийын. Ӱдыр-рвезе- влак Чарла кремль, эҥер сер мучко коштын савырненыт, ятыр тӱвыра объектын историйже, ойыртемалтше вер- влак нерген пален налыныт. «Знаний» дене каналтен коштмаш» шинчымашым шарыше акций чыла 89 субъектыштат эрта.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
