Тений кеҥежым Параньга районышто канализацийын очистной сооруженийжым пужен ыштыме паша мучашлалтеш
Тений кеҥежым Параньга районышто канализацийын очистной сооруженийжым пужен ыштыме паша мучашлалтеш. Параньга посёлкысо сооружений «Юл эҥерым тазаҥдымаш» федерал проект кышкарыште шукталтеш. Тудын тичмаш акше 69 миллион наре теҥгеш шуэш. Проектым шыҥдарымаш путырак соцал кӱлешанлан шотлалтеш. Молан манаш гын, кызыт ыштыше очистной сооружений- влакым 1999-ше ий годсек капитально олмыктымо огыл. Пужен ыштыме да «Юл эҥерым тазаҥдымаш» проектым шыҥдарыме нерген Марий Элым вуйлатыше Юрий Зайцевлан Правительстве председательын алмаштышыже Александр Сальников увертарен. Тудын мутшо почеш посёлкышто рӱдӧ канализацийыш ушымо 56 шуко пачеран да посна илыме пӧрт верланен. Тиддеч посна тыштак кыдалаш школ, йоча сад-влак, сымыктыш школ, районысо эмлыме вер, тӱвыра рӱдер, книгагудо, социал аралтыш да моло административный зданий- влак улыт. Объектыште пашам графикым ончылтен шуктат. Кызыт тудо 60 процент утлаллан ямде. Очистной сооруженийым олмыктымо паша сентябрьлан мучашлалтшаш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
