Кораҥдышаш гараж- влаклан оксам пӧртылтат

                 Йошкар-Олаште илыше- влак деч мланде ужашыштым да гаражыштым оксала налаш тӱҥалыныт. Киров деч Строитель урем марте ужашыште магистральым чоҥымо верыште верланыше гараж да тусо мланде участкым налме шотышто икымше соглашенийым пеҥгыдемдыме. Окса компенсаций рынок ак дене келшен толеш. Аклымашым эрыкан эксперт эртарен. Тыгай ойпидышым эше 230 гаражын озаж дене ыштыман. Нине гараж магистраль эртышаш верыште улыт. Тиде корно «Лӱдыкшыдымӧ да сай качестван автомобиль корно- влак» калыкле проектын «Корно сеть» регионысо проектше кышкарыште чоҥалтеш да олалан кӱлешан объект улеш.
Фото: Марий Элым вуйлатышын организационно-аналитик виктемже.

Прошлые выпуски