Йошкар-Оласе 19-ше номеран школышто «Геройын партыжым» почыныт

Йошкар-Оласе 19-ше номеран школышто «Геройын партыжым» почыныт
            Йошкар-Оласе 19-ше номеран школышто «Геройын партыжым» почыныт. Тиде лӱмын эртарыме сар операцийыште вуйым пыштыше Евгений Крюковым пагалыме ошкыл. Землякна кодшо ийын 18-ше январьыште Луганск Калык республикыш каен, взвод командирын алмаштышыже лийын, «Солдатская Слава» медаль дене палемдалтын. Военнослужащий кодшо ийынак 9-ше июньышто Белогоровкышто боевой заданийым шуктымыжо годым ӱмыр лугыч лийын. Пеҥгыдылыкым да патырлыкым ончыктымыжлан Евгений Крюковым Мужество орден дене палемдыме. «Геройын партыжым» почмашке «Ачамландым Аралыше- влак»  фондын марий филиалжын командыжат ушнен, СВО-н ветеранже- влакат толыныт. Боец- влак воиным ик тат шып шоген шарналтеныт.
            Фото: «Ачамландым аралыше- влак» фондын филиалже.

Прошлые выпуски