Пошкырт кундемысе школлаште марий йылмым тунемше- влаклан марла учебник- влакым ситараш Юрий Зайцев полшаш сӧрен
Пошкырт кундемысе школлаште марий йылмым тунемше- влаклан марла учебник- влакым ситараш Юрий Зайцев полшаш сӧрен. Тидын нерген Марий Элым вуйлатышын пашажым шуктышо Башкортостаныште марий калык дене вашлиймыже годым каласен. Вашлиймаш Калык- влак келшымаш пӧртын филиалже- Мишкан селасе историй да тӱвыра рӱдерыште Юрий Зайцевын Башкортостаныш мийымыже годым лийын. Марий калыкын илышыштыже пӱсын шогышо йодыш- влакым каҥашыме. Тиде- калык тӱвыран ужашыже семын шочмо йылмым арален кодымо, марий СМИ, усталык коллектив- влакын гастрольышт, регион- влак кокласе туризм нерген муталнымаш лийын. Башкортостаныш мийышыла республикысе «Эрвел марий» калыкле- тӱвыра автономийын еҥже- влак дене вашлияшак шоненам каласен Юрий Зайцев, - эн ончычак палыме лияш. Шукерте огыл Мер Каҥаш вуйверын еҥже- влак дене вашлийынам. Тушечын марий тӱвыра дене палыме лияш тӱҥалынам. Тыште ужым, те калыкын тӱвыра поянлыкшым араледа. Тиде пеш кӱлешан,- каласен тудо.
Автономийым вуйлатыше Виталий Ялаев мер организацийын пашаже нерген каласкален. Юрий Зайцевын толмыжым пеш кӱлешанлан шотлен, тудлан теркупшым кучыктеныт. Вашлиймаште тыгак шочмо йылмым тунеммаште нелылык улмым палемденыт- тунемме книга ок сите. Зайцевын мутшо почеш тудын кӱштымыжӧ почеш тиде паша шукталтеш, тунемме пособий- влакын перечньышт ышталтеш, план ямдылалтеш, но тудо жапым йодеш. Пашам контрольыш налме. Башкотртостаныште кызыт 103 тӱжем утла марий ила, ныл тӱжем йоча марий йылмым тунемеш, республикыште гезет- влак савыкталтыт, пайрем да калык усталык фестиваль- влак эртаралтыт. Башкортостаным вуйлатышын администрацийжым вуйлатыше Максим Забелин Юрий Зайцевлан Радий Хабиров деч саламлымашым кучыктен.
Фото: Марий Элым вуйлатышын организаций да аналитик виктемже.
Автономийым вуйлатыше Виталий Ялаев мер организацийын пашаже нерген каласкален. Юрий Зайцевын толмыжым пеш кӱлешанлан шотлен, тудлан теркупшым кучыктеныт. Вашлиймаште тыгак шочмо йылмым тунеммаште нелылык улмым палемденыт- тунемме книга ок сите. Зайцевын мутшо почеш тудын кӱштымыжӧ почеш тиде паша шукталтеш, тунемме пособий- влакын перечньышт ышталтеш, план ямдылалтеш, но тудо жапым йодеш. Пашам контрольыш налме. Башкотртостаныште кызыт 103 тӱжем утла марий ила, ныл тӱжем йоча марий йылмым тунемеш, республикыште гезет- влак савыкталтыт, пайрем да калык усталык фестиваль- влак эртаралтыт. Башкортостаным вуйлатышын администрацийжым вуйлатыше Максим Забелин Юрий Зайцевлан Радий Хабиров деч саламлымашым кучыктен.
Фото: Марий Элым вуйлатышын организаций да аналитик виктемже.
