Йошкар-Олаште эн кугу торт дене рекордым шындыме

              Йошкар-Олаште вис-вис пеледыш сынан эн кугу тортым ыштыме дене российысе рекордым шындыме. Еш, йӧратымаш да ӱшанле улмо кечым пайремлыме годым «Леве эҥер» трактирын кондитерже- влак тортын кугытшо дене рекордым ончыктеныт. Ончыктеныт веле огыл, пайремыш толшо чыла кумылан- влакым шере сий дене сийленыт. Тортын кужыт ден кумыдкшо вич метр, а нелытше 508 килограмм лийын. Тортын чыла параметржым сенымаш да рекордын «Достояние нации» Тӱнямбал реестржын экспертше Маргарита Железнова возен налын. Тортым ышташ 48 шагат, тӱжемат 500 муно, 60 килограмм ӱй, шуко ложаш, сакыр, торык каен. Тортым курык марий мӧр да марий десерт - ӱяча дене сӧрастарыме. Ӱячажым руашым ӱеш жаритлен, мӱеш шолтен ыштыме
            Фото: Иван Антропов, «Леве эҥер».

Прошлые выпуски