Йошкар-Оласе «Интеграл» микрорайоныш йӱд рейдым эртарыме
Йошкар-Оласе «Интеграл» микрорайоныш йӱд рейдым эртареныт, закондымын йӱлалтымым да нарушитель- влакым рашемденыт. «Интегралышке» тергымаш дене полицейский, прокуратура да ола администрацийын пашаеҥышт гыч шогышо пашаче группо миен. Нуно Марий Элым вуйлатышын пашажым шуктышын кӱштымашыжым шуктеныт. Тергыше- влак верысе предприятийлаште ылыжме верым да нарушитель- влакым мушаш улыт ыле. Тиде жапыштак шуко пачеран пӧртлаште вераҥдыме видеокамере полшымо дене мониторингым эртареныт. Тыге Крылов уремысе ик предприятийын кудывечыштыже шикш лекмым ужыныт. Тиде- кастене да каныш кечылаште пашам ыштыше закондымын вераҥдыме коҥга улмаш. Производствын озажым пален налме. Кызыт доследственный тергымаш кая. Пашаче группа тыгак промышленный зонын периметржым умбакыже терген. Ондак рашемдыме медицина отходым йӱлалтыме точко- влалклан тӱткышым ойырымо. Но тушто шикш лийын огыл. Йӱд тергымаш деч вара, верысе калыкын мутшо почеш, «Интеграл» промзоно гыч мланде шӱйым йӱлатыме коҥга- влакым луктын наҥгаяш тӱналыныт.
Фото: «Тендан у кечыда» газет.
Фото: «Тендан у кечыда» газет.
