Йошкар-Ола округым вуйлатыше Юл кундемысе ола- влак ассоциацийын правленийышкыже пурен
Йошкар-Ола депутат- влак погынымашым вуйлатыше Виктор Кузнецов Юл кундемысе ола- влак Ассоциацийын правлений составышкыже пурен. Шукерте огыл эртыше погынымаште Организацийым вуйлаташ Озаҥ олан мэрже Ильсур Метшинымак кодымо. Тудын у алмаштышыже- влак Чебоксар ола администрацийым вуйлатыше Алексей Ладыков ден Ульяновскын главаже Сергей Панчин лийыныт. Тиде регион- влак кокласе кӱкшытан организацийыш ушнымылан кӧра, коллегына- влакын опытыштым писын пален налаш, верысе самоуправлений орган- влакын пашашт шотышто пӱсын шогышо йодыш- влак дене уверым налаш йӧн лектын, - каласен Виктор Кузнецов. Ола погынымашын пресс-службыжын увертарымыж почеш, Йошкар-Ола 2000-ше ийыште ассоциацийын членже лийын. Йошкар-Олан главажлан да депутат- влак погынымашын председательжын сомылжым шуктышылан Виктор Кузнецовым 2019-ше ий сентябоьыште сайлыме ыле.
