Республикысе эн сай экспортёр-влаклан наградым кучыктымо
Республикысе эн сай экспортёр-влаклан наградым кучыктымо. Марий Элысе инвестиций да экспорт вияҥме агентствыште «Талукын экспортёржо» Россий кӱкшытан премийын округысо йыжыҥыштыже призёр радамыш лекше- влаклан наградым кучыктымо. Нунын коклаште «Таливенда» пушеҥгым обрабатыватлыше компаний ден общественный питаний да ужалкалымаш предприятийлан профессионал оборудованийым лукшо «Полиар» Торгайыше пӧрт» улыт. Наградым республикын промышленность, экономически вияҥмаш да торговля министрже Станислав Крылов кучыктен. Компаний- влак «Прорыв года» да «Трейдер года» номинацийыштышт конкурсын регионысо йыжыҥыштыже сеҥышыш лектыныт Конкурсыш Марий Эл гыч 15 йодмашым пуымо ыле. Мутлан, «Таливенда» пу гыч кофем пудыратыме ӱзгарым, мороженыйлан пашкарым, косметологий да медицина шпательым луктеш. Тудын сатужым Россий деч ӧрдыжсӧ эл- влакат сайын палат. Тиде- Италий, Хорватий, Словений, Венгрий, Румыний да моло верыштат.
