Йӱштӧ Кугызан волонтёр штабше- влак почылтыныт

                   Республикыштына Йӱштӧ Кугызан волонтёр штабше- влак почылтыныт. «Ме пырля» Россий кӱкшытан акций кышкарыште 10-шо гыч 31-ше декабрь марте «У ийым кажне суртыш» акцийым увертарыме. Спорт-туризм министерствыште умылтарыме почеш, тиде пайрем шӱлышым пурташ, еҥ-влаклан тӱткышым ойыраш моткоч сай йӧн. Акцийын шонымашыже- неле илыш саманыш логалше да ача-авашт коронавирус дене кучедалмаште ончылно тыршыше- влакын йочаштлан пайремым да у ийын юзо шижмашыжым пӧлеклаш. Самырык- влакын полатыштышт верланыше Ресурс рӱдер негызеш да муниципал районла ден ола округлаште Йӱштӧ Кугызан волонтёр штабше- влакым ыштыме. Тушто еҥ- влак, организаций да кучем органла деч пӧлек- влакым погат. А волонтёр-Йӱштӧ Кугыза- влак 30-шо декабрь марте саламлаш тӱҥалыт.

Прошлые выпуски