Рӱдӧ оласе Главпочтамтым кугу олмыктымо паша вуча
Рӱдӧ оласе Главпочтамтым кугу олмыктымо паша вуча. Кугыжаныш закупко сайтыште тӱвыра поянлык объектым арален кодымо пашам шукташ электрон аукционым эртарыме нерген увер лектын. Ойпидышын тӱҥалтыш акше лу миллионат 600 тӱжем утла теҥге. Тушто негызлан гидроизоляцийым ышташ, фасадым олмыкташ, тӱҥ пырдыжым электротул дене волгалтараш, леведышым ачалаш палемдыме. Поснак тӱҥ пурымо верым палемдыме. Тушто баллюстрадым, ныл вазоным арален коден, ожнысо семын шагатан фасадым ышташ шонат. Фасад ден интерьер тошто стилистикыжым арален кодышаш. Тиде кум пачашан кермыч пӧртым 1934-ше ийыште чоҥымо.
"Тендан у кечыда" газетын фотожо.
"Тендан у кечыда" газетын фотожо.
