Рӱдӧ оласе калыкым клумбылаш пеледышым шындаш да сомылаш полшаш ӱжыт
Рӱдӧ оласе калыкым клумбылаш пеледышым шындаш да сомылаш полшаш ӱжыт. «Город» МУП тиде пашаш кумылан еҥ- влакым ӱжеш. А специалист- влак кушкылым куштымо секрет дене палдарат. Пӱтынь ола мучко пеледышым куштымо верлам оформиташ куштылго паша огыл. Оранжерейын командыже пеш тырша, но южгунам чылажлан паша кид ок сите, сандене кызыт моткочак полыш кӱлеш, -ойлат пеледышым куштышо- влак. Теҥгече чодыра озанлык техникумын студентше- влак полшеныт. Нунын дене пырля Сеҥымаш бульварыште клумбым шынденыт. Полшаш кумылан- влак 8 987 711 93 89 номеран телефон дене йыҥгыртен кертыт.
Фото: «Город» МУП.
Фото: «Город» МУП.
