Редакцийышкына ойган увер тольо
Таче редакцийышкына ойган увер тольо. Таче Марий Эл сымыктышын сулло деятельже, Шкетан лӱмеш марий калыкле драма театрын художественный вуйлатышыже, талантан режиссёр Василий Пектевын шӱмжӧ кырымым чарнен. Василий Пектеевын лӱмжӧ шукертак республикынан историйышкыже шӧртньӧ буква дене возалтын. Тудо 33 ияш тӱҥ режиссёр лийын, а 38 ияш Шкетан театрын художественный вуйлатышыжлан ышташ тӱҥалын, 8 ий наре Марий мер каҥашым вуйлатыше Марий Оньыжа лӱмым нумалын. Марий, руш, финн йылмыла дене ятыр спектакльым шынден, шуко сылнымут произведенийым возен. Тидын годымак финн-угор калык- влакын театр ассоциацийыштын президентше, финн-угор науко академийын еҥже, республикысе сымыктышын сулло деятельже, Марий Эл Кугыжаныш Премийын да Йыван Кырла лӱмеш театр премийын лауреатше лийын. Тиде вучыдымо да кугу йомдарымаш. Василий Пектеев дене чеверласымаш шочмын, 13-шо октябрьыште лу шагатлан Шкетан лӱмеш марий калыкле теарыште лиеш.
Фото: Валерий Тумбаев.
Фото: Валерий Тумбаев.
