Республикым вуйлатыше ава- влакым чапландарен

Республикым вуйлатыше ава- влакым чапландарен
Республикым вуйлатыше Александр Евстифеев эртыше Аван кечыжлан пӧлеклалтше вашлиймашым эртарен. Тудо шуко шочшан еш- влак дене вашлийын. Ӱжмӧ еш- влак коклаште улшо ава- влакын тӱрлӧ сферыште сулен налме надырышт уло. Звенигово район гыч Пыркинмыт еш 11 икшывым ончен кушта, Шернур гыч Шабдаровмыт еш «Родительская слава» орден дене палемдалтын, Зотовмыт 2019-ше ийын ешыже» Российысе конкурсышто участвоватлен, Петровмыт кодшо ийын тыгаяк конкурсышто лийын, Шаяковмыт еш «Юл кундемын ешыже» фестивальыште лийын. Надежда Соловьева инвалид ӱдырым ончен кушта да «Шӧртньӧ име» мода театр- влак ассоциацийын регионысо представительже улеш, Полина Волкова медшӱжар- влакын Тӱнямбал конкурсыштышт сеҥыше лийын. Республикым вуйлатыше палемден: тиде кече кӧ илышым пӧлекла, кӧн йӧратымашыже еҥым ӱмыржӧ мучко ужатен коштеш- нунылан пӧлеклалтын. Лач ава деч ешын да йоча улан илышыже, кумданрак ончалаш гын уло элын ончыкылыкшо кылдалтын. Еш, ава шотышто кугыжаныш политике пӱтынь нацийын илыш кӱкшытшым ончыкта. Илышыште еш ок аклалт гын, еш, ешым чумырымаш, йочам куштымаш йодыш ӧрдыжкӧ шӱкалалтын гын, тыгай кугыжаныш йоҥылыш корно дене кая. Сандене тазалыкаралтыш, йоча шочмашлан да самырык ешлан, йоча да авалан полшен шогымо йодышлан тӱҥ верым ойырыман. Республикым вуйлатыше ача-ава- влаклан, поснак ава- шамычлан илышым, ӱшаным, йӧратымашым пӧлеклымыштлан тауштен ойлен. Толшо кажне ешлан тауштымашан серышым кучыктен. Вашлиймаш мучашыште кажне еш республикым вуйлатыше деч пӧлекым да У ий дене саламлымашым налын.

Прошлые выпуски