Оласе уремлашке тений 300 тӱжем пеледышым шындат

Май тӱҥалтышыште рӱдӧ олаште пеледыш- влакым шындаш тӱҥалыт. Клумбо- влакым виола, колеус, пеларгония, остеосперум, газаний да моло пеледыш- влак сӧрастарат. Оранжерейыште кызыт петуний ден бархатцын у урлыкышт шытен лектын. Пеледыш- влак бульвар ден парклаште, сквер ден площадь да уремлаште, корнывож ден чапкӱ воктене шындалтыт. Шындыме тӱшка кумдыкшо 6 тӱжем квадрат метрыш погына. Тушко 300 тӱжем пеледышым луктын шындыме лиеш.

Прошлые выпуски