21 организаций спортым вияҥдаш оксам налеш
Теҥгече республикым вуйлатыше Александр Евстифеев коммерцийдыме организаций- влаклан физкультура ден спортым вияҥдаш грантым пуымо шотышто распоряженийым пеҥгыдемден. Конкурсын лектышыже почеш грантым 21 организаций налеш. Нунын кокла гыч 14-ше окса полышым 50 тӱжем теҥге гыч тӱшка спортым вияҥдаш, шым организаций 100 тӱжем теҥге гыч профессионал спортым вияҥдаш оксам налыт. Списке дене спорт-туризм министерствын сайтыштыже палыме лияш йӧн уло.
