УФСИН-ыште колым эн чолган кучышо- влакым рашемденыт
Республикысе уголовно-исполнительный системын пашаеҥже- влак коклаште кол кучымаш дене таҥасымаш эртен. Тӱрлӧ подразделений гыч 8 команде Ежово селасе пӱя воктене чумырген. Нуно колым чичкан эҥырвоштыр дене кучышаш улыт ыле. Но игече мардежан лиймылан кӧра, таҥасымашым эше ик шагатлан шуйымо да эҥырвоштырым вашталтыме. Тидыже вигак лектышым ешараш полшен. Кучымо колым висыме деч вара сеҥыше- влакым рашемдыме. Икымше верыш нылымше номеран исправительный колонийын командыже лектын. Тудо кок кило наре колым кучен луктын. Кокымшо верыште СИЗО гыч спортсмен- влак, кумшо верыште кумшо номеран колонийын командыже лийын.
