6-шо созыв Кугыжаныш Погынын иктешлыше сессийже лиеш
Марий Эл Кугыжаныш Погынын иктешлыше 51-ше сессийже 29-ше августышто лиеш. Сессийын повесткышкыже 6 йодышым пуртымо. Депутат- влак Звенигово да Шернур районышто кок суд участкын мировой судьяже- влакым пеҥгыдемдат, 2020-шо ийлан пенсионерлан илен лекташ ситыше окса кугытым палемдат. Республикым вуйлатыше Александр Евстифеев Правительстве ден Кугыжаныш Погынын вашкылыштым иктешлыше докладым ыштышаш. Кугыжаныш Погыным вуйлатыше Юрий Минаков кок докладым ямдыла. Иктыже Кугыжаныш Погынын 2019-ше ийысе пашаже нерген лиеш, весыже Погынын 2014-ше ий гыч тачысе кече марте пашаже нерген. Тудо кечынак Депутатын кечыже лиеш.
