Республикын экономически вияҥмаш министерствыжым вуйлатыше «Армий-2024» военно-техник форумышто участвоватла

Республикын экономически вияҥмаш министерствыжым вуйлатыше «Армий-2024» военно-техник форумышто участвоватла
              Республикын экономически вияҥмаш министерствыжым вуйлатыше «Армий-2024» военно-техник форумышто участвоватла. Моско областьысе «Патриот» рӱдерыште 10-шо форум почылтын. Форумын площадкылаштыже российысе оборона промышленностьын, тӱнямбал лӱман вӱдышӧ корпораций- влакын ончыл, ойыртемалтше сеҥымашыштын презентацийже- влак эртат. Тений экспортыш колтышаш вооруженийын, тӱрлӧ сар да специальный техникын 240 образецшым ончыктымо. Деловой программыже 100 наре мероприятийым уша: йыргешке ӱстел, конференций, дискуссий да моло форматым. Тушто РВСН-ыште кучылтшаш ончыкылыкан технологийым, СВО-н интересшылан робототехникым, искусственный интеллектым, пилотде чоҥештылше аппаратым кучылтмым, СВО-н участникше- влаклан реабилитацйиым, военнослужащий- влакын боевой экипировкыштым да шуко молымат каҥашат. Марий Эл гыч тушто икмыняр предприятий пашам ышта. Марий Элым вуйлатышын кӱштымыжӧ почеш республикын экономически вияҥмаш министрже Владимр Халюзин участвоватла. Форумым Российын оборона министерствыже ямдылен. Тудо 12-шо гыч 14-ше август марте эрта.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски