«Юл эҥерыште этнотуризм рӱдер» Марий Эллан 6 миллиард теҥгем шогаш тӱҥалеш
«Юл эҥерыште этнотуризм рӱдер» Марий Эллан 6 миллиард теҥгем шогаш тӱҥалеш. Республикысе турист инфраструктурым комплексно вияҥдыме проектым шке окса кӱшеш гына ышташ ок лий. Тидын нерген спорт да туризм министр Лидия Батюкова Республикын кечыже- влак кышкарыште Федераций Советын социал политике шотышто комитетын кумдаҥдыме заседанийыштыже каласен. Республикыште Юл эҥер дене чак кылдалт шогышо вич точко уло. Но круиз теплоход- влаклан чарнаш причал -Козьмодемьянскыште гына. Тений навигаций жапыште ола воктене судно- влак 300 гана чарненыт. Тидыже кодшо ийысе деч 30 процентлан шукырак. Тидлан кӧра республикыште «Юл эҥерыште этнотуризм рӱдер» турист инфраструктурым комплексно вияҥдыме проект шочын. Тудо у причал инфраструктурым чоҥаш, серым тӱзландарымашым, тӱвыра объект- влакым уэмдымашым йодеш. Пашан тичмаш акше 6 миллиард утла теҥгеш шуэш. Шыҥдарыме жапше- 2030-шо ий марте. Министр палемден: Марий Элын кӧргӧ да ӧрдыж гыч толмо туризмым вияҥдаш кугу куатше уло. Сандене проектым шыҥдараш сенатор- влак деч федерал окса дене полшаш йодын.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
