Федераций Советым вуйлатыше дене Марий Элым вуйлатыше кок шӧрынын вашлиймашым эртареныт
Федераций Советым вуйлатыше дене Марий Элым вуйлатыше кок шӧрынын вашлиймашым эртареныт. Вашлиймаште Валентина Матвиенко ден Юрий Зайцев регионым социал-экономик велым вияҥдыме йодышым каҥашеныт. Мутланымаште тыгак Федераций Советым вуйлатышын алмаштышыже Константин Косачёв ден Федераций Советын оборона да лӱдыкшыдымлык шотшо комитетым вуйлатышын икымше алмаштышыже Сергей Мартынов участвоватленыт. Россий Парламентын кӱшыл палатыжын спикерже республикысе правительствын пашажым кӱкшын аклен. Ме икмыняр ончыч перинатал рӱдерын корпусшым чоҥымым, аэропортым пужен ыштыме икымше йыжыҥжым поддержатлышна. Умбакыжат чолган полшаш тӱҥалын, - каласен Валентина Матвиенко. Юрий Зайцев Федераций Советым вуйлатышылан республикын сеҥымашыжым ончыкташ, кӱлешан йодыш- влак нерген каласкалаш, задаче- влакым палемдаш йӧным ыштымыжлан кугу таум каласен. Марий Элым вияҥдымашке да пеледшым ыштымашке тендан да сенатор- влакын пыштыме надырдам кӱкшын аклем, полышым пуэн шогымыланда тауштем. Федерал рӱдерын тыгай полышыжо дене ме ончыкылыкан проект- влакым шыҥдарен кертына. Нуно калыкын илышыжым саемдаш полшат да у сеҥымашлан шӱкалтышым ыштат, - каласен Юрий Зайцев.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
