Республикысе аграрий- влаклан 93 процент субсидийым намиен шуктымо
Республикысе аграрий- влаклан 93 процент субсидийым намиен шуктымо. Федерал бюджет гыч ял озанлык предприятий- влаклан субсидийым намиен шуктымо дене Марий Эл ончыл верыште улеш. Икымше октябрьлан шотлымаште элысе субъектлашке аграрий- влаклан 124 миллиард теҥге оксам колтымо. 66 процентшым але 82 миллиардшым ял озанлыкыште тыршыше- влаклан намиен шуктымо. Марий Элыште 93 процент, Ненец автоном округышто 100, Кемерово область 95, Ямало-Ненец автоном округ 93, Краснояр крайыште 91 процент оксам налыныт,- увертара Российын ял озанлык министерствыже. Изи темпым кызытеш Ингушетий, Еврей автоном область, Хант-Манси автоном округ, Архенгельск область ончыктат. Тушто 23 гыч 35 процент марте субсидийым гына намиен шуктымо.
