Марий Эл гыч спортсмен- влак киокушин дене таҥасымашыште кок шӧртньӧ медальым налыныт
Марий Эл гыч спортсмен- влак киокушин дене таҥасымашыште кок шӧртньӧ медальым налыныт. Таҥасымаш Свердлов областьысе Верхняя ПышмА олаште эртен. Тушто 22-шо гыч 25-ше ноябрь марте киокушин дене Россий кӱкшытан «Кугу Урал» таҥасымаш лийын. Элысе 23 регион гыч 929 участник коклаште икымше вер- влакым мемнан спортсмен-шамыч налыныт. 40 килограм нелытан- влак коклаште 14-15 ияш категорийыште шӧртньым Константин Матюков, а 35 килограмм нелытан 12-13 ияш- влак коклаште- Георгий Березин налыныт. Когыныьыштымат тренер Алексей Матюков ямдыла, -увертара спорт-туризм министерстве.
Фото: Алексей Матюков.
Фото: Алексей Матюков.
