Марий Элым вуйлатыше видеоконференцкыл йӧн дене Дмитрий Чернышенкон эртарыме совещанийыште участвоватлен

Марий Элым вуйлатыше видеоконференцкыл йӧн дене Дмитрий Чернышенкон эртарыме совещанийыште участвоватлен
                Таче Марий Элым вуйлатыше Юрий Зайцев видеоконференцкыл йӧн дене Россий Правительстве вуйлатышын алмаштышыже Дмитрий Чернышенкон эртарыме совещанийыште участвоватлен. Тушто кеҥежымсе тазалыкым аралыме кампанийын лектышыжым каҥашеныт да 2025-ше ийлан задачым шынденыт. Республикысе йоча лагерьлаште 2025-ше-2027-ше ийлаште ныл илыме корпусым чоҥат, ныл медпункт ден столовыйым уэмдат. Российын просвещений министерствыже йоча канышым ямдылыме шотышто программыш ушнаш регионын йодмашыжым сайлан шотлен. Шушаш ийын «Радужный» йоча рӱдерыште кок илыме корпусым нӧлтат. Володя Дубинин лӱмеш йоча тазалыкым пеҥгыдемдыме да шинчымашым пуышо рӱдерыште корпус- влакым чоҥат да пужен ыштат. Тыгак 2025-ше ийыште лагерьыште медицина пунктым уэмдат. 2026-шо ийыште «Пӱнчер» тунемме да тренироватлалтме базыштат вашталтыш лийшаш. Тушто 98 верлан кок у корпус шочшаш. 2027-ше ийыште «Чодыра йомак» эмлалтме да тазалыкым пеҥгыдемдыме комплексыште медпунктым капитально олмыктат, «Пӱнчер» тунемме да тренироватлалтме база кундемыште медпункт ден пищеблокым капитально олмыктат.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски