Йошкар-Оласе Ленин лӱмеш площадьыште кошкаш тӱҥалше кож- влакым руаш шонат
Йошкар-Оласе Ленин лӱмеш площадьыште кошкаш тӱҥалше кож- влакым руаш шонат. Ола мэрийыште шанчыеҥ- влак дене вашлиймаш эртен. Ӱчашымаште Юлтехын да Марий университетын олам ужартыме, чер ваштареш кучедалме шотышто специалистше- влак йоча эколого- биологий рӱдерын еҥышт да ола администрацийын сотрудникше- влак лийыныт. Нуно палемденыт: кумдыкым ужарташ кож утларак келшен толшо пушеҥге. Но тудо олаште 30 ий марте гына илен кертеш. Тудлан эҥгекым ий ваштареш шавыме материал, автомобиль- влакын южым амыртымышт, вожыштлан верын шагал улмыжо кондат. Мутлан Ленин лӱмеш площадьыште кож- влак шке ийготыштым илен эртареныт. Черле улыт, шукш-копшаҥге налын, вожшо шӱяш тӱҥалын. Сандене кызыт нуным руымо да уэш ужартыме йодыш каҥашалтеш. Тыге погынышо- влак шушаш ийын февральыште уэш погынаш да шанче-практик семинарым эртараш кутырен келшеныт.
Фото: Йошкар-Ола мэрий.
Фото: Йошкар-Ола мэрий.
