Республикысе радиотелевизионный передаватлыше рӱдерлан 65 ий темеш
Республикысе радиотелевизионный передаватлыше рӱдерлан 65 ий темеш. Тудо шке шочмо кечыжым 10-шо августышто палемда. Тиде кечын 1960-шо ийыште РСФСР связь министрын палемдыме кугыжаныш комиссий Йошкар-Оласе телецентрым эксплуатацийыш налын. Тыге республикысе теле-радиовещаний чарныде пашам ышташ тӱҥалын, а тиде ийынак 15-ше августышто Йошкар-Оласе телевидений студий икымше гана эфирыш лектын да калыклан у увер эра тӱҥалме нерген увертарен. Марий телевиденият 15-ше августышто 65 ияш лӱмгечыжым палемда.
А радиовещаний Марий автоном республикыште 1922-шо ий гычак вияҥаш тӱҥалын. Тунам Краснококшайск олаште икымше радиотелеграф станций пашам ышташ тӱҥалын. РТРС-ын филиалже РТПЦ-м вуйлатыше Андрей Шадринын мутшо почеш, станций «РОСТА» Вестниклан да «Йошкар-кече» газетлан савыктыме материал- влакым, областысе организаций- влаклан виктарыше циркуляр- влакым приниматлен. Республикысе радион вияҥмаштыже у ошкыллан 1934-ше ийыште РВ-61 радиостанцийым пашша колтымаш шотлалтын. Тудо кажне кечын эфирыш лекме жапым кугемдаш да верысе программым эфирыш лукташ йӧным пуэн.
Телецентрым чоҥымаш 1960-шо ийыште телерадиопрограммым шарыше республикысе сетьым ышташ тӱҥалаш полшен. 1984-ше ийыште Советский посёлкышто куатле радиотелевизионный станцийым пашаш колтымо. Вара Волжскышто, Звениговышто да Козьмодемьянскыште ретранслятор- влакым чоҥымо. Таче кечылан РТРС-ын филиалже- кызытсе жаплан келшыше, кӱкшӧ технологиян предприятий. Телерадиотрансляцийым ыштыме деч посна тудо мобил телефон кылым вияҥдаш полша, кугыжаныш виктем орган- влаклан коммуникаций пашам шукташ, вучыдымо ситуаций- влак нерген сигналым колтымаште кугу рольым шукта.
Фото: РТРС
А радиовещаний Марий автоном республикыште 1922-шо ий гычак вияҥаш тӱҥалын. Тунам Краснококшайск олаште икымше радиотелеграф станций пашам ышташ тӱҥалын. РТРС-ын филиалже РТПЦ-м вуйлатыше Андрей Шадринын мутшо почеш, станций «РОСТА» Вестниклан да «Йошкар-кече» газетлан савыктыме материал- влакым, областысе организаций- влаклан виктарыше циркуляр- влакым приниматлен. Республикысе радион вияҥмаштыже у ошкыллан 1934-ше ийыште РВ-61 радиостанцийым пашша колтымаш шотлалтын. Тудо кажне кечын эфирыш лекме жапым кугемдаш да верысе программым эфирыш лукташ йӧным пуэн.
Телецентрым чоҥымаш 1960-шо ийыште телерадиопрограммым шарыше республикысе сетьым ышташ тӱҥалаш полшен. 1984-ше ийыште Советский посёлкышто куатле радиотелевизионный станцийым пашаш колтымо. Вара Волжскышто, Звениговышто да Козьмодемьянскыште ретранслятор- влакым чоҥымо. Таче кечылан РТРС-ын филиалже- кызытсе жаплан келшыше, кӱкшӧ технологиян предприятий. Телерадиотрансляцийым ыштыме деч посна тудо мобил телефон кылым вияҥдаш полша, кугыжаныш виктем орган- влаклан коммуникаций пашам шукташ, вучыдымо ситуаций- влак нерген сигналым колтымаште кугу рольым шукта.
Фото: РТРС
