Йошкар-Олан кечынже пӱтынь ола пайремлаш тӱҥалеш

Йошкар-Олан кечынже пӱтынь ола пайремлаш тӱҥалеш
             Йошкар-Олан кечынже пӱтынь ола пайремлаш тӱҥалеш. Олан мэрийже мероприятий афишым савыктен. Тений оласе калык да уна- влак оласе 35 площадкышке миен пайремым ончен да тушко ушнен кертыт. Мероприятий- влак икымше август гычак тӱҥалыныт. Тӱҥ пайремже 9-ше августышто 10 шагат гыч 22 шагат марте шуйнат. Ленин площадьыште раритет автомобиль ден мотоцикл выставке, кандыраште коштшо- влак мастарлыкыштым ончыктат, чылам салтак пучымыш дене пукшат, кугу концерт лиеш. Патриарший площадьыште 13 шагатат пеле гыч 22 шагат марте модым ончыктымаш, «Евразийын йӱкшӧ» фестиваль, олан гимнжым шоктен флешмоб да дискотека лиеш. Никонов лӱмеш площадь 15 шагат гыч 21 шагат марте сем фестивальлан площадке лиеш. А 10-шо августышто Йошкар-Оласе пелмарафон вуча. Чарла кремльыште кум кече «Чарлаште-книга пайрем» фестиваль эрта. Сеҥымашын 30-шо идалыше лӱмеш тӱвыра полатыште «Пеледыш тӱня» пеледыш ончер пашам ышта. 8-ше августышто Марий паркыште 19 гыч 21 шагат марте марий эстрадын артистше- влакын «Шӱдыр йӱк» концертышт вуча. 9-ше августышто индешат пелылан ачамландым аралыше- влакын скверышт, лу шагатлан Андрей Эшпай лӱмеш площадь почылтыт. Луат пелылан Курымашлык тул да Воин чап монумент воктеке пеледышым пыштымаш, 10 шагатат 40 минутлан пайрем таҥошкылмаш, 11 шагатлан Ленин площадьыште пайремым торжественно почмаш, туштак 18 шагатлан концерт лийыт. «Дружба» стадионышто 10 шагатлан Физкультурникын кечыже палемдалтеш. Йошкар-Олан историй тоштерже шуко мероприятийым темла. Марий паркыште 19 шагатлан Марий дискотеке лиеш. Эше ятыр площадкыште 9-ше-  10-шо августыштат шуко деч шуко оҥай мероприятий- влак вучат.
           Фото: Анастасия Петрова.

Прошлые выпуски