17 ияш спортсмен тӱнян чемпионжо лийын

                 Волжск ола гыч 17 ияш спортсмен «Эскалибур» дисциплиныште тӱнян чемпионжо лийын. 17 ияш тяжелоатлет Александр Ошков тӱнян чемпионжо лӱмым сеҥен налын. Тыгай кӱкшӧ таҥасымашке тудо икымше гана ушнен. Пауэрлифтинг, виян двоеборье, армлифтинг да неле атлетикын моло видше дене Тӱнян 6-шо чемпионатше кодшо кечылаште Москошто мучашлалтын. Тушко 25 эл гыч кок тӱжем наре эн виян спортсмен- влак погыненыт. Александр Ошков 80 килограмм марте нелытан- влак коклаште «Эскалибур» номинацийыште таҥасен да вигак икымше верыш лектын. А вес дисциплиныште тӱнямбалне кокымшо лийын.

Прошлые выпуски