«Марий Элын спорт тоштерже» у верыште пашам ышта

               «Марий Элын спорт тоштерже» у верыште пашам ышташ тӱҥалеш. Тудым торжественно почмо. Тоштерым Михаил Шалагин чумыраш тӱҥалын ыле. Тудо 40 ий утла пырчын-пырчын материалым поген, физкультура коллективлаш, Россий мучко командировкылаш коштын. Кызыт тоштерын фондыштыжо икмыняр тӱжем экспонат уло. Спорт тоштер шке пашажым 1997-ше ий 13-шо январьыште тӱҥалын. Кужу жап «Юбилейный» спорткомплексыште верланен, вара Марий университетыш куснен. Теве ынде тудын экспонатше- влак «Марий Эл» Ий полатыште ончыкталтыт. Тудо Марий Элысе физкультура да спорт толкынын 100 утла ийжым авалтыше материал- влакым ушен шога.

Прошлые выпуски