Марий Элыште тений эҥер капка да композитор Эшпайын скверже лиеш

Марий Элыште тений эҥер капка да композитор Эшпайын скверже лиеш
             Марий Элыште тений эҥер капка да композитор Эшпайын скверже лиеш. Тиде ийын республикыштна тӱзландарыме кок кугу проектым илышыш шыҥдарат. Нуно изи ола ден историй илемлаште йӧнан оласе кумдыкым ышташлан Россий кӱкшытан конкурсышто сеҥышыш лектыныт. Тиде- «Звенигово олан эҥер капкаже: Юл эҥерыште причал воктелсе сер» да «Олан у семын йоҥгымыжо: Козьмодемьянскыште композитор Эшпайын скверже» проект- влак улыт. Козьмодемьянскыште Яков Эшпай лӱмеш Тӱвыра полат воктелсе кызытсе скверым пужен ыштат. Тудо тӱрлӧ мероприятийым эртараш келшен толшо лийшаш. Звениговышто Оласе эҥер серын кечывалвел ужашыжым тӱзландараш палемдыме. Тидлан кӧра тиде кундем тичмаш кумдык семын куандараш тӱналеш. Тымарте тушто «Сер- Звенигово олан чонжо» проектым шыҥдарыме да йӱдвел ужашыжым тӧрлымӧ ыле. Кок проектше денат пашам апрельыште тӱналшаш улыт. Проект да смете документацийым ямдылыме да тудо кугыжаныш экспертизым эрта. Тудын почеш проект- влакын тичмаш сӱретышт рашемеш.- увертара республикысе чоҥымаш министерстве.
              

Прошлые выпуски