Марий йылме дене корно пале- влакым вераҥдаш латик миллионат 700 тӱжем теҥгем ойырымо
Марий йылме дене корно пале- влакым вераҥдаш латик миллионат 700 тӱжем теҥгем ойырымо. Тӱвыра министерствыште министрын алмаштышыже Игорь Садовин зданийлам, уремлам, транспорт инфраструктурым калыкле компонетым кучылтын сӧрастарыме шотышто совещанийым эртарен. Тудо палемден: республикыште марий йылме дене яллан, эҥерлан лӱмыштын перечньыштым ыштыме да тудым пашаште кучылташ чыла район ден олашаке, ведомствылашке колтымо манын палемден. Транспорт министрын алмаштышыже Елена Кузнецован мутшо почеш 2022-шо ийыште марий йылме дене посна ямдылыме 273 корно палым вераҥдыме. Тиде пашалан 11 миллионат 700 тӱжем теҥге каен. Тыгай пале- влак Кугу Пумарий-Параньга, Звенигово-Памар, Звенигово- Шолеҥер- Морко, Йошкар-Ола- Санчурск, Йошкар-Ола –Уржум корнылаште шогат Тений тиде пашам умбакыже шуйымо лиеш. Калыкле компонентым кучылтын лу деч шагал огыл автобус павильон вераҥдалтеш. Промышленность министрын алмаштышыже Игорь Макаров увертарен: республикысе предпринимательствылан полшышо фонд кодшо ийын 23 вывескым ыштен. Совещанийын лектышыже почеш муниципал образованийлашке калыкле стиль дене зданийлам, уремлам сӧрастарыме шотышто темлымаш- влакым колташ пунчалме, - увертара тӱвыра министерстве.
Фото: Тувыра министерстве.
Фото: Тувыра министерстве.
