Республикысе Правительстве пеленысе противоэпизоотический комиссийын заседанийже лийын
Кодшо кечылаште Республикысе Правительстве пеленысе противоэпизоотический комиссийын заседанийже лийын. Тудо эпизоотический ситуаций лекмылан кӧра да республикыште Ньюкаслын черже ынже шарле манын эртаралтын. Заседанийым Ял озанлык министр Андрей Кондратенко эртарен. Погынымашке Ветеринарий комитетын еҥышт, комитетыш пурышо бюджет тӧнежлам вуйлатыше, Россельхознадзор виктемын еҥышт, район администрацийлам, сурт-кайыкым ашныше озанлыклам вуйлатыше- влакым ӱжмӧ. Ветеринарий комитет ден тудын тӧнежше- влаклан Ньюкасл черым пытараш, сурт кайыкым эре терген шогаш кӱштымӧ. Администраций вуйлатыше-влаклан противоэпизоотический отряд- влакым ышташ, озанлык вуйлатыше- влаклан биологий аралтышын могай улмыжым, лӱдыкшыдымылык мерым кузе шуктымым, график почеш кайыкын пробыжым налын шогаш темлыме. Тыгак моло тӧнеж- влакланат задачым палемдыме. Кайыкым ашныше да ужалкалыше- влаклан ветеринарий законодательствым шуктен шогаш кӱштымӧ.
Фото: Ветеринарий комитет.
Фото: Ветеринарий комитет.
