«Кугезе кумыл» фольклор ансамбльлан калык лӱмым пуымо
Советский район гыч «Кугезе кумыл» фольклор ансамбльлан калык лӱмым пуымо. Коллективым Марий Эл тӱвыран сулло пашаеҥже Галина Щербакова вуйлата. Кӱкшӧ лӱм ансамбльын 25 ияш лӱмгечыжлан чапле пӧлек лийын. Тидын лӱмеш Районысо Тӱвыра пӧртын сценыштыже пайрем концерт эртен.. Артист- влакым Кугыжаныш Погыным вуйлатышын икымше алмаштышыже Лариса Яковлева, район администрацийым вуйлатыше Евгений Пушкин, Советский, Звенигово, Куженер районла гыч усталык коллектив- влак саламленыт. Евгений Александрович ансамбльлан шуйский гармоньым, а Лариса Николаевна у тӱмырым пӧлекленыт,- увертара «Вестник районв» газет.
Фото: «Вестник района»
Фото: «Вестник района»
