Республикысе йоча клинический эмлыме верын инфекций корпусшым чоҥымашым федерал кӱкшытыштӧ сайлан шотлымо

Республикысе йоча клинический эмлыме верын инфекций корпусшым чоҥымашым федерал кӱкшытыштӧ сайлан шотлымо
            Республикысе йоча клинический эмлыме верын инфекций корпусшым чоҥымашым федерал кӱкшытыштӧ сайлан шотлымо. Федераций Советым вуйлатышын алмаштышыже, Марий Эл деч сенатор Константин Косачёв Федераций Советын Правительстве шагатыштыже инфекций корпусым чоҥымо нерген йодышым нӧлталын. Тудо тазалыкаралтыш министр Михаил Мурашколан тиде йодышым шке контрольышкыжо налаш темлен. Тазалыкаралтыш министр полшаш сӧрен. Тыгай тӱҥалтышым Федераций Советым вуйлатыше Валентина Матвиенкоат сайлан шотлен. Медицина тӧнежын кызытсе зданийжым 1963-шо ийыште чоҥымо. Икмыняр жап ончыч Юрий Зайцев ден Константин Косачёв у корпусым чоҥаш кӱлмӧ нерген мутланеныт ыле. Республикым вуйлатышын мутшо почеш, тиде кӱлешан объект, тушко йоча- влакым уло республике гыч кондат. Сандене кундемысе калык тиде йодышым виктарен колтымым пеш вуча.

Прошлые выпуски