Йошкар-Оласе Сеҥымашын 30-шо идалыкше лӱмеш тӱвыра полатыште коммуникацийым уэмдат
Йошкар-Оласе Сеҥымашын 30-шо идалыкше лӱмеш тӱвыра полатыште коммуникацийым уэмдат. Тений тӱвыра полатлан 50 ий темеш. Кызыт тушто олмыктымо паша кая. Тудо сентябрь марте шуйнышаш. Тушто ырыктыме, вӱдым ситарыме да йоктарен колтымо, канализаций системым вашталтат. Теҥгече Тӱвыра полатыш олан мэржын сомылжым шуктышо Антон Трудинов миен, директор Маргарита Чулкова, подряд организацийын еҥже да полатын пашаеҥже- влак дене мутланен. Ола администрацийым вуйлатыше сценыште ырыктыме системым вашталтымым ончен да теплоузелыш волен. Шке велым пашан кузе кайымыжым эскерен шогаш тӱҥалам, молан манаш гын олан тӱвыра поянлыкшым арален кодымаште инфраструктура деке тӱткыш путырак кӱлешан,- каласен Антон Трудинов.
Фото: Антон Трудиновын ВК-же.
Фото: Антон Трудиновын ВК-же.
