Республикыште тазалык кече- влак тӱҥалыт

           Республикым вуйлатышын пашажым шуктышо Юрий Зайцевын кӱштымыжӧ почеш  республикыште тазалык кече- влак тӱҥалыт. Эн ончыч врач-специалист- влакын консультацийыштым да специализированный медицина полышым Курык марий районышто илыше калык налеш. Тиде кӱлешан социал проектым шыҥдарыме ойыртем- влакым Юрий Зайцев район администрацийлам вуйлатыше да тӱҥ- врач-шамыч дене каҥашен. Молан манаш гын, тора кундемлаште илыше- влак медицина полышым налаш йӧсӧ манын возат. Сандене тыгай мероприятийым эртарен ончена, манын тудо.
           Правительстве председательын алмаштышыже Ольга Фёдорова увертарен: «Таза республике» проектым шыҥдараш ятыр ямдылалтме. Молан манаш гын Тазалык кече- влак поснак ялысе калыклан кӱлешан лийыт. Врач- влакын ситыдымашышт пӱсын шога. Кызыт министерствыш пурышо медицина тӧнежлаште кок тӱжемат 61 врач пашам ышта. Тидыже лу тӱжем еҥлан шотлымаште 31 процент гына лиеш, а Российыште 37 утла процент. Врач- влакым ситарымаш 64 процентыш шуэш. Тиде- шагал. Икымше йыжыҥ кышкарыште Тазалык кече- влак 7-ше сентябрь марте чыла районыштат эртат. Йошкар-Олаште каныш кече акций кок площадкыште лиеш: Республикысе курчак театр  воктене да Рӱдӧ каныме паркыште. Районлашке могай специалист тушто уке, тугайым эн ончыч колтат.
             Фото: Марий Элым вуйлатышын организаций да аналитик виктемже.

Прошлые выпуски