Республикыштына 2017-ше ий гыч антимонопольный законодательстве аланыште нарушенийын чотшо 60 процентлан шагалемын
Республикыштына 2017-ше ий гыч антимонопольный законодательстве аланыште нарушенийын чотшо 60 процентлан шагалемын. Марий Элым вуйлатыше Юрий Зайцев ден вашлиймаште Федерал антимонопольный слубым вуйлатыше Максим Шаскольский регионышто сай вашталтышым палемден. ФАС-ым вуйлатыше каласен: республике конкуренцийым аралымаште кӱкшӧ лектышыш шуын толеш. Конкуренцийым вияҥдыме калыкле планым шыҥдарыме годым нарушенийым 60 процентлан иземдыме. Тиддеч посна сату рынкыште – 27 рынкыште- тӱҥ показтельыш шумо. Тиде сай лектыш. Республикыште ял озанлык сатум лукшо- влакым поддержатлаш да вияҥдаш льготан займым пуымаште сай паша- влак улыт. Республикысе правительствын да федерал антимонопольный службын пырля ыштыме пашашт потребитель- влаклан электроэнергийлан акым иземдымашке, изи да кыдалаш бизнеслан полышым пуымашым уэмдымашке, законодательствым шуктымашке виктаралтын,- палемден республикым вуйлатыше.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
