Республикыштына догазификацийым умбакыже шуят

Республикыштына догазификацийым умбакыже шуят
             Республикыштына догазификацийым умбакыже шуят. Теҥгече Марий Элым вуйлатыше Юрий Зайцев «Единый Россий» партийын Российысе субъетлам газифицироватлыме шотышто тӱҥалтышыжым илышыш шыҥдарыме йодыш дене видеоконференций йӧн дене эртарыме совещанийыште участвоватлен. Партийым вуйлатыше, Российысе безопасность советым вуйлатышын алмаштышыже Дмитрий Медведев палемден: догазификаций программе пытартыш ийласе партийын ик эн кӱлешан инициативыже. Тудым Элнан президентше Владимир Путин поддержатлен. Совещанийыште тиде программым кодшо ийлаште кузе шыҥдарыме, тений тиде пашам кузе шукташ палемдыме нерген ойлымо. Президентын пунчалжже почеш программын мучаш жапшым палемдыме огыл. Догазификацийым ыштыме дене регион- влакын рейтингыштышт Марий Эл 12-шо верым айла. Тачысе кечылан 510 ялыште ныл тӱжемат 290 сурт деке газым кондаш технический йӧн уло. Тушечын 2 тӱжемат 483 суртыш газым пуымо. Республикыште полыш семын газым пурташ калыкын налме кредитын ужашыжым пӧртылташ йӧным ыштыме, тыгак догазификаций кышкарыште роскотым петыраш ик гана 100 тӱжем теҥге марте оксам тӱлен кертыт. Эше шуко шочшан еш- влаклан ава капитал гыч ешартыш социал полыш пуалтеш. Юрий Зайцев палемден: программе йодмаш дене пайдалана, шукырак ен газ дене пайдалнен кертше манын йӧным ыштыман.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски