Республикыштына эн йӱдвел корнын 11 меҥгыжым олмыктеныт
Республикыштына эн йӱдвел корнын 11 меҥгыжым олмыктеныт. Шернур районышто Кукнур- Эшполдо трассыште олмыктымо пашам «Качестван лӱдыкшыдымӧ корно» калыкле проект кышкарыште шуктымо. Подрядчик корнын тошто шартышыжым 11 меҥге утла кужытышто кораҥден, кок пачаш дене у асфальтым шарен, корно тӱрым тыгыде кӱ дене пеҥгыдемден, автобус чарналтышлаште площадкым да кумдаҥдыме верым уэмден. Тыгак корно йымач вӱдым колтышо 17 пучым олмыктен, барьер чаракым вашталтен да разметкым ыштен,- увертара «Марийскавтодор». Уэмдыме корно дене верысе калык «Шернур-Казанской- Кукнур» трассыш да Кукнур школыш ласкан гына коштын кертеш.
Фото: Марийскавтодор.
Фото: Марийскавтодор.
