Шоядӱр ялыште СВО-н геройжо- влакым Шарнымаш Аллей лийын кертеш

Шоядӱр ялыште СВО-н геройжо- влакым Шарнымаш Аллей лийын кертеш
            Шоядӱр ялыште СВО-н геройжо- влакым Шарнымаш Аллей лийын кертеш. Марий Эл Кугыжаныш Погыным вуйлатыше Михаил Васютин Республикысе Мер поддержке штабыште калыклан приёмым эртарен. Мийыше- влак  тургыжландарыше йодышым гына огыл, шке темлымашыштымат ойленыт. Нунын коклаште- Медведево районысо Шоядӱр ялыште СВО-н геройжо- влакым шарныме Аллей. Проектым темлыше еҥ умылаш шонен: верысе калыкын погымо оксам шотыш налын проектым шыҥдараш бюджет оксам кондаш лиеш мо? Ямдылыме проектым район администрацийыш пуымо. Тудым вуйлатыше Денис Окулов увертарен: кызыт проектын икымше ужашыжым ышташ акше шотлалтеш.             
             Афганистан ветеран- влак ушемын верысе пӧлкажым вуйлатыше Афганистанын ветеранжым, ик районысо военно-патриот клубым вуйлатышым да тудын пелашыжым республикын кугыжаныш наградыже дене палемдаш йодын. Тыге нунын Афган кундемыште интернационал порысыштым шуктышо вуйым пыштыше да илыше кодшо земляк- влакым шарнымашеш кодымашке  пыштыме надырыштым аклаш кӱлеш манын. Марий ден пелашыже шке командышт дене пырля материалым погеныт да «Увертарыдыме сарын салтакше- влак» лӱман кум томан книгам савыктен луктыныт.
              Мийыше эше ик ӱдырамаш погыным вуйлатыше деч «Пашан ветеранже» да «Марий Элысе пашан ветеранже» званийым налашлан законыш вашталтышым пурташ да ӱдырамаш- влаклан тидлан кӱлешан паша стажым 40 гыч 35 ий марте иземдаш йодын. Чыла обращенийым Михаил Васютин пашашке налын.
            Фото: Марий Эл Кугыжаныш Погын.

Прошлые выпуски