«Христиан туныктымашын тӱҥалтышыже…» курык марла 19-ше курымышто савыктыме книгам цифран форматыш кусарыме
«Христиан туныктымашын тӱҥалтышыже…» курык марла 19-ше курымышто савыктыме книгам цифран форматыш кусарыме. Электрон форматыш «Начатки христианского учения, или Краткая священная история и Краткий катехизис на черемисском языке горного наречия с присовокуплением кратких правил чтения» 1832-шо ийыште лукмо книгам пыштыме. Тиде книга- марий йылме дене лукмо лу савыктыш кокла гыч иктыже. Тиде книга 170 лаштыкан кӱчык катехизисым рушла гыч марий йылмыш кусарыме савыктыш, икымше марий грамматикын орфографийжым тӱрыс шуктен савыктыме. Шанчыеҥ- влакын шонымышт почеш, марий йылмыш руш священник- влак кусареныт. Тыгак тыгай уверат уло: кусарыше авторжо Озаҥысе духовный академийым тунем пытарыше, палыме миссионер, марий калыкым сотемдарче Андрей Альбинский улеш. Тиде книга марий литератур йылмым ямлылыме жапыш пура да шергакан литератур памятник улеш. Приложенийыштыже икымше гана марий йылмын Альбинскийын ямдылыме 39 букван алфавитшым савыктыме. Тудо курык марий йылмын йӱк системыжым раш ончыкта. Алфавитым уэш 1837-ше ийыште Альбинскийын «Черемис грамматикыштыже» ончыктымо. Электрон форматыш кусарыме книга- влакым Чавайн лӱмеш калыкле книгагудын локальный сетьыштыже да Марий Электрон книгагудышто лудаш лиеш.
