Йошкар-Олаште шарлыше вӱд эркын кораҥаш тӱналеш

Йошкар-Олаште шарлыше вӱд эркын кораҥаш тӱналеш
           Йошкар-Олаште шарлыше вӱд эркын кораҥаш тӱналеш. Таче йӱдлан шотлымаште 36 пӧрт деч вӱд кораҥын, вӱдын кӱкшытышӧ вич сантиметрлан волен. Теҥгече кечылан чылаже 257 пӧртым да 307 участкым вӱд налын ыле. Нуно кум муниципал образованиеш верланеныт. Курык марий районышто Кым Ырды посёлко эҥгекыш логалын- кум пӧрт ден ныл участкым вӱд налын. Медведево районышто Куяр посёлкышто вӱд шуко лийын 51 пӧрт ден участкыштым вӱд налын. Йошкар-Олаште вӱд шарлыме верыш 142 пӧрт шке участкышт дене логалыныт ыле.
                Фото: Йошкар-Ола мэрий.

Прошлые выпуски