Элысе эн сай дзюдоист- влак Марий Элыш Россий кӱкшытан таҥасымашке толыныт
Элысе эн сай дзюдоист- влак Марий Элыш Россий кӱкшытан таҥасымашке толыныт. Шуматкечын 11-ше апрельыште «Витязь» физкультура да тазалыкым пеҥгыдемдыме комплексыште пӧръеҥ да ӱдырамаш- влак коклаште дзюдо дене Российын Геройжо Дамир Шаймарданов лӱмеш Россий кӱкшытан таҥасымашым торжественно почмо лиеш. Республикыште дзюдо дене Россий кӱкшытан таҥасымаш 30 ий почела эртаралтеш. 2025-ше ийын апрель гыч тудо Российын Геройжо Дамир Шаймардановын лӱмжым нумалеш. Кодшо ийын таҥасымашыш элысе 22 регион гыч 130 тале спортсмен толын ыле. Турнир 16 шагатлан тӱҥалеш. «Витязь» ФОК Медведево посёлкысо Сергей Жилин уремысе 6-шо пӧрт адрес дене верлана.
Фото: Марий Эл Правительстве.
Фото: Марий Эл Правительстве.
