Лишыл кок ий жапыште республикыштына кок виртуал концерт залым почшаш улыт
Лишыл кок ий жапыште республикыштына кок виртуал концерт залым почшаш улыт. 21-ше-22-шо ийлаште Йошкар-Олаште да Волжскышто виртуал концерт зал- влакым «Тӱвыра» калыкле проект кышкарыште ыштат. Шушаш ийын иктыже Эрик Сапаев лӱмеш опера да балет марий кугыжаныш академический театр негызеш почылтеш. Тиде пашалан вич миллион утла теҥге оксам ойырымо. 2022-шо ийыште Волжск оласе «Звёздный» Тӱвыра да каныме рӱдерыште виртуал концерт залым почаш кок миллионат пеле теҥге оксам ойырат. Тымарте калыкле проект кышкарыште Йошкар-Олаште да Козьмодемьянскыште кок виртуал концерт залым почмо.
