Поминкаште 127 тӱжем теҥге оксам шолыштыныт

Звенигово районышто илыше ӱдырамашын колышо еҥым уштымаште шӱдӧ утла тӱжем теҥгежым шолыштыныт. Районысо полицийын дежурный частьышкыже 69 ияш ӱдырамаш толын да увертарен: тудын сумкаж гыч 127 тӱжем теҥге окса йомын. Оксан уке лиймыжым кафеште эртыше помимнка деч вара ужын. Ончыч шке кычалаш тӧчен, но икмыняр кече гыч полицийыш толын. Уголовный розыскын пашаеҥже- влак рашемденыт: осал пашам уштымашке толшо 51 ияш ӱдырамаш ыштен. Тудо оксам налмыже шотышто каласен да вӱташ шылтыме оксам пӧртылтен. Пале лийын: поминкаште тудо йыгыре шинчен. Весыже изишлан лекмекыже, тудын сумкашкыже ончалын, нершовычыш вӱдылмӧ оксам ужын. Сумкам налын ӧрдыжкӧ кораҥын, оксам солалтен, сумкам верышкыже шынден да лектын каен. Уголовный пашам тарватыме.

Прошлые выпуски