У Торъял район 100 ияш лӱмгечыжым палемден
У Торъял район 100 ияш лӱмгечыжым палемден. Тушто торжественный мероприятий эртен. Пайремыш правительстве вуйлатышын алмаштышыже- тӱвыра министр Константин Иванов миен. Тудо палемден: район кажне кечын вашталтеш, кызытсе жаплан келшыше, мотор лиеш. Физкультура да тазалыкым пеҥгыдемджыме комплексым чоҥен пытарыме, У Торъял школ- интернатым олмыктымо, тӱшка кумдыклам тӱзландарыме, яллашке чолган газым пуртат,- лудын пуэн республикым вуйлатышын саламлымашыжым. Район администрацийым вуйлатыше Денис Таныгин увертарен: пытартыш ийлаште районышто ял озанлык организацийлаште у пашавер- влакым почмо, кудывече да тӱшка кумдыклам тӱзландарыме, тӱвыра тӧнежлам олмыктен уэмдыме, школлаште «Точка роста» рӱдер- влак шочыныт. У Торъял районым 1924-ше ийыште ыштыме Таче кечылан тудо ик ола шотан да ныл ял шотан илемым, 151 ялым ушен шога. Районышто 13 тӱжемат 500 еҥ ила.
Фото: Тӱвыра министерстве.
Фото: Тӱвыра министерстве.
